Դասաժամ` հարազատ լեզվի զարգացման խնդիրների շուրջ
![](https://asue.am/images/1521617881/90adb1e426b3f5aa85be8bf2.jpg)
ՀՊՏՀ կառավարման ամբիոնի պրոֆեսոր Վալերի Միրզոյանն այսօր հերթական դասն էր վարում կառավարման ֆակուլտետի պետական և մունիցիպալ կառավարում մասնագիտության առաջին կուրսում: «Հռետորական արվեստ» դասընթացի շրջանակներում, Մայրենի լեզվի միջազգային օրվան ընդառաջ` նա իր դասախոսությունը նվիրեց հայերենի զարգացման հիմնախնդրին:
Դասին ներկա էին «Մխիթար Սեբաստացի» կրթահամալիրի լրատվության ակումբի ղեկավար Նոյեմի Անդրեասյանը, ավագ դպրոցի սաներ Ռուզան Ամիրխանյանն ու Իզաբելլա Խանզրատյանը: Նրանց մասնավորապես հետաքրքրում էր Լեզվի պետական տեսչության հիմնադիր պետի (1993-1998 թթ.) կարծիքը դասական ուղղագրության վերականգման առնչությամբ:
![](https://asue.am/images/1521617881/e0be8eed837202257e2ab53d.jpg)
Վալերի Միրզոյանը հարցին պատասխանեց` ներկայացնելով հայերենի ուղղագրության փոփոխման պատմական փուլերը: Նա մատնանշեց, որ լինելով դասական ուղղագրության վերականգնման կողմնակից, խնդիրն առավել կարևորում է արևելահայերենի և արևմտահայերենի ուղղագրության միասնականության տեսանկյունից:
ՀՊՏՀ Լրատվության և հասարակայնության հետ կապերի բաժին