Այսօրվանից սկսվեց ամփոփիչ քննաշրջանը
Ամանորյա և Սուրբ ծննդյան տոների պարգևած տրամադրությունն արդեն անցյալում է, և ուսանողների համար սկսվում է անչափ պատասխանատու ու կարևորագույն մի փուլ. այսօրվանից ՀՊՏՀ-ում մեկնարկում է ամփոփիչ քննաշրջանը:
ՀՊՏՀ ուսումնակազմակերպական աշխատանքների գծով պրոռեկտոր Միհրդատ Հարությունյանը լրատվության և հասարակայնության հետ կապերի բաժնի հետ զրույցում հայտնեց, որ ամփոփիչ քննաշրջանին մասնակցում են առկա և հեռակա ուսուցմամբ բակալավրիատի, առկա և հեռակա ուսուցմամբ մագիստրատուրայի ուսանողները: Քննությունները կկազմակերպվեն տարբեր քննաձևերով` համակարգչային թեստային, թեստային, գրավոր և բանավոր:
Պրոռեկտորը հաջողություն մաղթեց բոլոր ուսանողներին:
Տեղեկացնենք, որ ամփոփիչ քննաշրջանը կավարտվի հունվարի 25-ին:
Հիշեցնենք, որ ինչպես ավելի վաղ տեղեկացրել էինք, ՀՊՏՀ-ում ամփոփիչ քննաշրջանին նախորդել են ստուգարքները: Առկա ուսուցմամբ բակալավրիատի, առկա և հեռակա ուսուցմամբ մագիստրատուրայի ուսանողների ստուգարքները անցկացվել են դեկտեմբերի 20-28-ը:
ՀՊՏՀ Լրատվության և հասարակայնության հետ կապերի բաժին