ՀՊՏՀ-ում բաց դաս վարեց ՀՀ կենտրոնական բանկի վիճակագրության վարչության պետ Մարտին Գալստյանը

«Անգլերենով դասախոսությունները ձեզ շատ կօգնեն. կկատարելագործեք անգլերենի իմացությունը և կսովորեք լսել դասախոսություն օտար լեզվով, հղել ձեզ հուզող հարցերը: Վստահեցնում եմ, որ ասօրվա մեր հյուրից դուք շատ բան կսովորեք»,-ողջունելով նախաձեռնությունը` ՀՊՏՀ գիտության և արտաքին կապերի գծով պրոռեկտոր Գագիկ Վարդանյանը հույս հայտնեց, որ այսպիսի հանդիպումները կդառնան ավանդական: 

«Ինձ համար անչափ հաճելի է գտնվել այսպիսի լսարանում. շնորհակալ եմ ընձեռված հնարավորության համար: Դասախոսությանս թեման «Առաջնորդություն»-ն է: Կփորձեմ այն ներկայացնել նոր մոտեցմամբ, նոր գաղափարներով»,- ուսանողներին դիմելով` ասաց բանախոսը և հույս հայտնեց, որ դասախոսությունից հետո կծագեն հարցեր, որոնց ինքը սիրով կպատասխանի: 
«Բաց դաս»-ի ավարտից հետո ուսանողական խորհրդի նախագահ Սևակ Խաչատրյանը լրատվության և հասարակայնութան հետ կապերի բաժնի միջոցով խնդրեց իր շնորհակալությունը փոխանցել օտար լեզուների ամբիոնի վարիչ Սուսաննա Չալաբյանին` միջոցառման կազմակերպական աշխատանքներում աջակցության համար:

ՀՊՏՀ Լրատվության և հասարակայնության հետ կապերի բաժին