Հայտարարություն՝ բակի շինարարության մասին

ՀՊՏՀ հարգելի աշխատակիցներ, պրոֆեսորադասախոսական անձնակազմի ներկայացուցիչներ, ուսանողներ, հասկանալի է, որ համալսարանի բակի շինարարությունը անհարմարություն է պատճառում` խոչընդոտելով մասնաշենքից մասնաշենք անցուդարձը, աղմուկ ու փոշի առաջացնելով: Եվս մեկ անգամ հայցելով ձեր ներողամտությունը` խնդրում ենք, որ ստեղծված իրավիճակում լինեք հանդուրժող ու համբերատար, քանի որ այսօրվա շինհրապարակը կարճ ժամանակ անց դառնալու է բարեկարգ, հարմարավետ ու ոճային մի տարածք, որը նոր շունչ ու տեսք է հաղորդելու մեր բուհին, ծառայելու է բոլորիս և արագ մոռացության է մատնելու անցած բոլոր անհարմարությունները: