Նոր ուսումնական տարվանից կգործի անհատական աշխատանքների կատարման նոր կարգ

Դիտումների քանակ՝ 761

2012-2013 ուսումնական տարվանից ՀՊՏՀ-ում կգործի անհատական աշխատանքների կատարման նոր կարգ: 
ՀՊՏՀ ուսումնամեթոդական աշխատանքների գծով պրոռեկտոր Պարույր Քալանթարյանը, մեզ  հետ զրույցում անդրադառնալով անհատական աշխատանքների կատարմանը, հիշեցրեց, որ համաձայն ՀՊՏՀ գիտխորհրդի փետրվարի 29-ի ընդունած որոշման, այսուհետ յուրաքանչյուր կիսամյակում կհանձնարարվի երկու անհատական աշխատանքից ոչ ավելի` «Տնտեսագիտության տեսություն» դասընթացից 3-րդ կիսամյակում  (եկրորդ  կուրսի  առաջին  կիսամյակում)  և մասնագիտացման մոդուլներից: 

Անհատական աշխատանքների պաշտպանությունը կկազմակերպվի ամփոփիչ քննաշրջանին նախորդող ամսվա առաջին երկու շաբաթվա ընթացքում:

Հիշեցնենք, որ ՀՊՏՀ գիտխորհրդի փետրվար 29-ի նիստում որոշվել է նաև նոր ուսումնական տարվա սկզբից 20–շաբաթյա ուսումնական կիսամյակը կազմակերպել 17+3 շաբաթներով` առանձնացնելով ամփոփիչ քննաշրջանը, ստուգարքով ավարտվող մոդուլների համար կազմակերպել միայն ամփոփիչ ստուգում` քննաշրջանին նախորդող վերջին շաբաթվա ընթացքում, յուրաքանչյուր մասնագիտությունում թույլատրել ավարտական աշխատանք ներկայացնելու ավարտող ուսանողների միայն 30-35 տոկոսին: 
ՀՊՏՀ Լրատվության և հասարակայնության հետ կապերի բաժին