Կայացավ ՀՊՏՀ Գյումրու մասնաճյուղի ավարտահանդեսը (լուսանկարներ)
Այսօր ՀՊՏՀ Գյումրու մասնաճյուղում կայացավ շրջանավարտների դիպլոմների հանձնման հանդիսավոր արարողությունը, որին մասնակցեցին մասնաճյուղի պրոֆեսորադասախոսական կազմը, հանդիսության գլխավոր հերոսները՝ շրջանավարտները, նրանց ծնողները, ուսանողներ, հյուրեր: Շրջանավարտներին շնորհավորեցին ու բարեմաղթեցին ՀՊՏՀ Գյումրու մասնաճյուղի տնօրեն Սամսոն Դավոյանը, գիտական գծով փոխտնօրեն Անդրեյ Ավետիսյանը, ուսումնական գծով փոխտնօրեն Պարույր Գոմցյանը: Դիպլոմավորված մասնագետներ դարձան 92 բակալավր և 33 մագիստրոս: Երկու բակալավր շրջանավարտ արժանացավ Կարմիր դիպլոմի:
Այս մասին ՀՊՏՀ լրատվության և հասարակայնության հետ կապերի բաժնին Գյումրու մասնաճյուղից հեռախոսով տեղեկացրեց մասնաճյուղի ուսումնական մասի ավագ մասնագետ Մարինե Մկրտչյանը:
ՀՊՏՀ Լրատվության և հասարակայնության հետ կապերի բաժին