Նրա ջերմ ու անմիջական կերպարը հոգեհարազատ է բոլորին. Յուրի Հովականյանը 60 տարեկան է
Փիլիսոփայական գիտությունների թեկնածու, ՀՊՏՀ փիլիսոփայության ամբիոնի դոցենտ Յուրի Հովականյանին այս օրերին ծննդյան 60-ամյա հոբելյանի առիթով շնորհավորում են հարազատներն ու բարեկամները, գործընկերներն ու սաները` արժանին մատուցելով իսկական մտավորականի ու հայրենասերի վաստակին:
Երկար ու ձիգ տարիների ընթացքում նրա մեջ ճանաչվել ու գնահատվել են անհատականությունը, գիտնականը, մարդը, բարեկամն և մանկավարժը: Յուրի Հովականյանի կյանքն ու ստեղծագործական ճանապարհը պայծառ օրինակ ու դաս են բոլորի համար, իսկ նրա ջերմ ու անմիջական կերպարը` հոգեհարազատ:
Յուրի Հովականյանը նաև ՀՊՏՀ լրատվության և հասարակայնության հետ կապերի բաժնի, «Տնտեսագետ» ամսագրի ջերմ բարեկամն է, ում իմաստալից խորհուրդների, օգնության ու աջակցության կարիքը միշտ էլ զգացվում է: Հպարտ ենք, որ ժամանակի բովում թրծված բարեկամությամբ ենք կապված նրա հետ և, վստահ, որ այն դեռ երկար տարիներ կշարունակվի :
ՀՊՏՀ լրատվության և հասարակայնության հետ կապերի բաժինը ջերմորեն շնորհավորում է հոբելյարին, մաղթում քաջառողջություն, երկար ու բեղմնավոր ստեղծագործական կյանք, և միշտ գնահատված լինելու երջանկություն:
ՀՊՏՀ Լրատվության և հասարակայնության հետ կապերի բաժին