«Ուսանողի ուղեցույց - 2017»՝ առկա ուսուցման բակալավրիատի ուսանողների համար
Սիրելի 1-ին կուրսեցիներ, ուրախ ենք տեղեկացնելու, որ ՀՊՏՀ գիտական խորհրդի որոշմամբ լույս է ընծայվել ուսանողի նոր ուղեցույց՝ հասցեագրված համալսարանի նորեկներին:
Նպատակ ունենալով օժանդակել համալսարանական կյանքին ձեր արագ ներգրավմանը՝ ուղեցույցը ներկայացնում է ուսանողի իրավունքներն ու պարտականությունները, ուսումնական գործընթացի կազմակերպման հիմնադրույթները, գիտելիքի գնահատման սկզբունքները: Ուղեցույցը հագեցած է ոչ միայն օգտակար տեղեկություններով, այլև ուղղորդող աղյուսակներով ու քարտեզով:
ՀՊՏՀ ռեկտոր, պրոֆեսոր Կորյուն Աթոյանը ողջույնի խոսք է հասցեագրել առաջին կուրսեցիներին:
Ուղեցույցը պատրաստվել է ուսումնական բաժնի նախաձեռնությամբ: Բաժնի պետ Աղավնի Հակոբյանն ասաց, որ այսօրվանից ուղեցույցը կտրամադրվի բոլոր ֆակուլտետների 1-ին կուրսեցիներին: Էլեկտրոնային տարբերակին ծանոթացեք այստեղ:
Բարի երթ…
ՀՊՏՀ Լրատվության և հասարակայնության հետ կապերի բաժին