Մեր զինվորները պատվով են ծառայում. հերթական շնորհակալական նամակը բուհի ռեկտորին
ՀՊՏՀ ուսանողները Հայաստանի զինված ուժերում իրենց սրբազան պարտքը կատարում են պարտքի ու պատասխանատվության բարձր զգացումով, սիրով ու նվիրումով: Նրանցից մեկն է ՀՊՏՀ կառավարման ֆակուլտետի 3-րդ կուրսի ուսանող, ներկայում ՀՀ ՊՆ թիվ N զորամասի զինծառայող, սերժանտ Սամվել Թևանի Կարապետյանը: Մեր ուսանողի մասին ՀՊՏՀ ռեկտոր Կորյուն Աթոյանին ուղղված` թիվ N զորամասի հրամանատար, գնդապետ Ա. Օհանյանի շնորհակալական նամակում մասնավորապես ասվում է. «Ձեր բուհի ուսանող Սամվել Կարապետյանը,, ծառայելով Հայաստանի Հանրապետության զինված ուժերում, պատվով է կատարում իր սրբազան պարտքը, զինվորական երդման պահանջներն ու Ձեր պատգամը` ազնվորեն և անմնացորդ նվիրվել մեր Հայրենիքի պաշտպանության գործին:
Սերժանտ Սամվել Կարապետյանն աչքի է ընկնում ազնվությամբ, բարեխղճությամբ, կարգապահությամբ և կամքի ուժով: Նա բարձր է պահում հայ ռազմիկի պատիվը` միշտ պատրաստ Հայրենիքի սահմանների պաշտպանությանը: Դուք իրավամբ կարող եք հպարտանալ Ձեր բուհի ուսանողով: Երախտապարտ ենք հայրենասեր քաղաքացի և քաջարի ռազմիկ դաստիարակելու համար»:
Բարի ծառայություն և խաղաղ երկինք ենք մաղթում հայոց բանակի բոլոր զինվորներին:
ՀՊՏՀ Լրատվության և հասարակայնության հետ կապերի բաժին