AIESEC-ը ներկայացավ ՀՊՏՀ-ում
ՀՊՏՀ արտաքին կապերի բաժնի հետ նախապես ձեռք բերված պայմանավորվածության համաձայն` այսօր ՀՊՏՀ նիստերի սրահումAIESEC – Հայաստան երիտասարդական կազմակերպության արտագնա փոխանակման թիմի անդամներ, ՀՊՏՀ կառավարման ֆակուլտետի հեռակա ուսուցման ուսանողուհի Տաթևիկ Դուրգարյանը և ֆինանսական ֆակուլտետի ուսանող Հայկ Ամիրխանյանը ներկայացրեցին AIESEC կազմակերպության պատմությունը սկսած 1948 թվականից, նրա ներկայացվածությունը աշխարհի 112-ից ավելի երկրներում, համագործակցությունը 2100-ից ավելի համալսարանների հետ:
Նշվեց, որ կազմակերպությունը տարեկան իրականացնում է 16. 000 փոխանակման ծրագիր, 470 գիտաժողով` իր գործունեությունը նպատակաուղղելով երիտասարդության զարգացմանը: Հանգամանորեն կանգ առնելով AIESEC – Հայաստան կազմակերպության գործունեության վրա (1989 թվականից)` կազմակերպության արտագնա փոխանակման թիմի անդամները ներկայացրեցին առաջարկվող փոխանակման և աշխատանքային ծրագրերը, այդ ծրագրերին մասնակցության համար սահմանված պահանջները: Այնուհետև ներկա գտնվող ուսանողներին հնարավորություն ընձեռվեց լրացնելու դիմումի ձևաթղթեր, որոնցով հայտ կներկայացվի մասնակցելու առաջիկա ամառային ծրագրերին:
ՀՊՏՀ Լրատվության և հասարակայնության հետ կապերի բաժին