Սեպտեմբերից ամփոփիչ քննաշրջանի ընթացքում դասեր չեն կազմակերպվի

ՀՊՏՀ գիտխորհրդի որոշմամբ` 2012-2013 ուսումնական տարվա սկզբից 20–շաբաթյա ուսումնական կիսամյակը կկազմակերպվի 17+3 շաբաթներով` առանձնացնելով ամփոփիչ քննաշրջանը:

Այսպիսով` ամփոփիչ քննաշրջանում դասեր չեն կազմակերպվի և ուսանողները հնարավորություն կունենան լրջորեն և պատասխանատվությամբ պատրաստվելու յուրաքանչյուր քննությանը:

Հիշեցնենք, որ համաձայն նախկինում գործող կարգի` ամփոփիչ քննաշրջանը անցկացվում էր դասերին զուգահեռ, որը զրկում է ուսանողներին թե’ դասապրոցեսին, թե’ քննություններին լրջորեն նախապատրաստվելու հնարավորությունից:

ՀՊՏՀ Լրատվության և հասարակայնության հետ կապերի բաժին