ՀՊՏՀ ֆիզդաստիարակության ամբիոնը հրապարակեց տասը լավագույն ուսանող մարզիկների անունները
«Անցած տարում ՀՊՏՀ ուսանող մարզիկները, հանդես գալով միջբուհական հանրապետական տարբեր մրցաշարերում, ցուցաբերել են հաղթանակի հասնելու ձգտում, մարզական կամք ու ոգի: Նրանք արժանի են մեր մեծարանքին ու շնորհակալության խոսքերին»,- լրատվության և հասարակայնության հետ կապերի բաժնի հետ զրույցում այսօր ասաց ֆիզդաստիարակության ամբիոնի վարիչ Լևոն Սամվելյանը և հրապարակեց ՀՊՏՀ ֆիզդաստիարակության ամբիոնի որոշամբ տասը լավագույն մարզիկներ դարձած ուսանողների անունները:
Այսպիսով` տարբեր մարզաձևերում ունեցած հաջողությունների համար ՀՊՏՀ լավագույն մարզիկներ են ճանաչվել`
- Հովհաննես Արզումանյանը, ՀՀ բուհական արագ շախմատի չեմպիոն (ֆինանսական ֆակուլտետ, 4-րդ կուրս),
- Լուսինե Թորոսյան, շախմատի երիտասարդական հանրապետական առաջնության արծաթե մեդալակիր (ինֆորմացիայի և վիճակագրության ֆակուլտետ, 4-րդ կուրս),
- Լիանա Սաղոյան, սեղանի թենիսի հանրապետական ուսանողական խաղերի չեմպիոն (մարքեթինգի և բիզնեսի կազմակերպման ֆակուլտետ, մագիստրատուրա, 2-րդ կուրս),
- Անի Ատուրյան, սեղանի թենիսի հանրապետական ուսանողական խաղերի չեմպիոն (կառավարման ֆակուլտետ, 4-րդ կուրս),
- Շողեր Անտոնյան, սեղանի թենիսի հանրապետական ուսանողական խաղերի չեմպիոն (տնտեսական կարգավորման և միջազգային տնտեսական հարաբերությունների ֆակուլտետ),
- Խաչիկ Ներկարարյան, սեղանի թենիսի հանրապետական ուսանողական խաղերի և ՀՀ չեմպիոն (ֆինանսական ֆակուլտետ, մագիստրատուրա, 2-րդ կուրս),
- Արմեն Ֆիշյան, ֆուտբոլի ուսանողական հանրապետական խաղերի 2-րդ մրցանակակիր, ՀՀ ֆուտբոլի առաջնության բարձրագույն խմբի մասնակից (կառավարման ֆակուլտետ, 4-րդ կուրս),
- Դավիթ Գրիգորյան, ֆուտբոլի ուսանողական հանրապետական խաղերի 2-րդ մրցանակակիր, ՀՀ ֆուտբոլի առաջնության բարձրագույն խմբի մասնակից (մարքեթինգի և բիզնեսի կազմակերպման ֆակուլտետ, մագիստրատուրա, 1-ին կուրս),
- Համլետ Տոնոյան, ձեռքի գնդակի ուսանողական հանրապետական խաղերի 2-րդ մրցանակակիր (մարքեթինգի և բիզնեսի կազմակերպման ֆակուլտետ, 4-րդ կուրս),
- Արամ Մելքոնյան, ՀՀ վոլեյբոլի հավաքականի անդամ, ՀՀ չեմպիոն (ֆինանսական ֆակուլտետ, 3-րդ կուրս):
ՀՊՏՀ լրատվության և հասարակայնության հետ կապերի բաժինը շնորհավորում է մեր ուսանող մարզիկներին արժանի գնահատականի համար և մաղթում նորանոր հաջողություններ:
ՀՊՏՀ Լրատվության և հասարակայնության հետ կապերի բաժին