ՀՊՏՀ-ում սովորող պորտուգալուհիներն ապրում են լիարժեք ուսանողական կյանքով

Դիտումների քանակ՝ 548

Այս ուսումնական տարեսկզբից Եվրամիության «Էրասմուս Մունդուս » փոխանակման ծրագրի շրջանակներում ՀՊՏՀ-ի բակալավրիատում ուսումնառում են Պորտուգալիայի Վիանա դո Կաշտելոյի պոլիտեխնիկական ինստիտուտի ուսանողուհիներ Սառա Բաչմանը, Անիտա Ֆերեյրան և Սյուզաննա Ֆերնանդեսը: Նրանք, իրենց իսկ հավաստիացմամբ,  հաճույքով են հաճախում հակաճգնաժամային և զբոսաշրջության կազմակերպման, մարքեթինգի և կառավարման տեղեկատվական համակարգերի ամբիոնների  կողմից անգլերենով, անհատական ուսուցման եղանակով կազմակերպվող դասընթացներին:

Պորտուգալուհիներն օրերս մասնակցեցին նաև մարքեթինգի գուրու , պրոֆեսոր Ֆիլիպ Կոտլերի «Ուսանողական ֆորում» անվանումով վկայագրվող թրեյնինգին, հարստացրեցին իրենց գիտելիքները մարքեթինգի վերաբերյալ և դեկտեմբերին կստանան հավաստագրեր:

Մինչև կիսամյակի ավարտը` մեկնումը  հայրենիք, ուսանողուհիները վստահ են` շատ այլ ձեռքբերումներ կարձանագրեն:

ՀՊՏՀ Լրատվության և հասարակայնության հետ կապերի բաժին