ԿԱՌԱՎԱՐՄԱՆ ՖԱԿՈՒԼՏԵՏԻ ԼՈՒՐԵՐԸ` ՀԵՌՈՒՍՏԱԷԿՐԱՆՆԵՐԻՑ

Այսուհետ համալսարանի կենտրոնական մասնաշենք մուտք գործող  յուրաքանչյուր այցելու աստիճանավանդակների մոտ տեղադրված հեռուստացույցների էկրաններից կարող է ծանոթանալ կառավարման ֆակուլտետի անցուդարձին, նախատեսվող միջոցառումների մասին ստանալ թարմ տեղեկատվություն, ծանոթանալ ՀՀ տնտեսության  նորություններին:

Հայտնենք, որ նշված նախաձեռնության հեղինակը կառավարման ֆակուլտետի դեկան Էդգար Ղազարյանն է, ինքն էլ հավաքագրում է լուրերը:  Տեխնիկական սպասարկումն իրականացնում է  նույն ֆակուլտետի ուսանող Արսեն Խաչատրյանը:

Ինչպես նշեց  Էդգար Ղազարյանը, պրոռեկտոր Կառլեն Ղազարյանի  աջակցությամբ առաջիկայում ձեռք են բերվելու նաև ալեհավաքներ, որոնց միջոցով հասանելի կդառնա նաև հեռուստալիքներով սփռվող լրատվությունը:

ՀՊՏՀ Լրատվության և հասարակայնության հետ կապերի բաժին