«Աերոսվիտ» ընկերության մենեջերը գործնական պարապմունք վարեց ՀՊՏՀ զբոսաշրջության կառավարում մասնագիտացման 3-րդ կուրսում
16.12.2011
Դիտումների քանակ՝ 712
ՀՊՏՀ հակաճգնաժամային և զբոսաշրջության կառավարում ամբիոնի դոցենտ Ստեփան Մանթառլյանի նախաձեռնության շրջանակներում գործնական պարապմունքներն անցկացնում են բնագավառում մեծ փորձ ունեցող լավագույն մասնագետները: Երկաթուղային թանգարանում կայացած գործնական պարապմունքը, որի ընթացքում ուսանողները հնարավորություն ունեցան ծանոթանալու այդ ոլորտի աշխատանքին, մեծ ոգևորություն էր առաջացրել: Այսօր հերթական դասն էր զբոսաշրջության կառավարում մասնագիտացման 3-րդ կուրսում: Այն վարում էր Ուկրաինական ավիաուղիների ընկերության մենեջեր Էվելինա Ավետիսյանը: Ուսանողները տեղեկացան ավիատոմսերի վաճառքի, գործող տարիֆների, զեղչային համակարգի մասին և բանախոսին հղեցին բազմաթիվ հարցեր:
ՀՊՏՀ Լրատվության և հասարակայնության հետ կապերի բաժին