Սաքսիոնի համալսարանի պրոֆեսորը հանդիպեց ուսանողներին
Նիդերլանդների Սաքսիոնի համալսարանի պրոֆեսոր Ֆրանկ Ստիկսման ՀՊՏՀ արտաքին կապերի բաժնի նախաձեռնությամբ այսօր մեր համալսարանում բանախոսեց «Սոցիալական կայուն բիզնեսի մոդելներ» թեմայով: Պրոֆեսորը նախ խոսեց իր գիտական հետաքրքրությունների մասին՝ բիզնես մոդելներ ու ռազմավարություն, համաշխարհային բիզնես, մենեջմենթ, քոուչինգ, հոգեբանություն և այլն, ապա նշեց, որ նաև խորհրդատու է, սիրում է մոտիվացնել մարդկանց, ստիպել նրանց խորհել նպատակների, հաջողության հասնելու մեթոդների մասին, իմաստավորել ու սիրել կյանքն ու մասնագիտական գործունեությունը: Այսօրվա հանդիպումը հագեցած էր նմանատիպ խորհուրդներով, հաջողության ոգեշնչող օրինակներով: Ստիկսման ունկնդիրների ուշադրությունը հրավիրեց արդի հասարակության հիմնախնդիրների, նոր ժամանակաշրջանի մարտահրավերների վրա և այս համատեքստում կոչ արեց ձգտել անձնական աճի, հարմարվել փոփոխություններին:
Հանդիպման 2-րդ հատվածում քննարկվեցին սոցիալական և կայուն բիզնեսի մոդելները: Պրոֆեսորը պատասխանեց ունկնդիրների հարցերին:
Դասախոսությունն ամբողջությամբ՝ այստեղ:
ՀՊՏՀ Լրատվության և հասարակայնության հետ կապերի բաժին