ՀՊՏՀ-ում քննարկվում են բակալավրական կրթական նոր ծրագրերը. աշխատանքային հանդիպումներ՝ փորձագիտական խմբի հետ
![](https://asue.am/images/1521864365/4e62f6a2477a65c07a4e5d52.jpg)
ՀՊՏՀ-ում նախօրեին մեկնարկել և ընթանում են փորձագիտական խմբի և ամբիոնների աշխատանքային քննարկումները՝ բակալավրական նոր կրթական ծրագրերի շուրջ:
Ամբիոնները մշակել և փորձագետներին են ներկայացրել 11 նոր ծրագիր, որոնցով ՀՊՏՀ-ն նախատեսում է սկսել գալիք՝ 2017-2018 ուսումնական տարին:
Ապրիլի 26-ից մայիսի 3-ը կայանալիք քննարկումների ընթացքում փորձագիտական խումբն անհրաժեշտ խորհրդատվություն կտրամադրի աբիոններին, անհրաժեշտության դեպքում՝ կառաջարկի վերանայումներ կատարել:
![](https://asue.am/images/1521864365/cb29136ee34588c55cb5de1e.jpg)
Նշենք, որ բակալավրական նոր կրթական ծրագրերը ներկայացվել են՝ հաշվի առնելով կրթական ծրագրերի արտաքին գնահատման օրենսդրորեն ամրագրված պահանջը և հիմք ընդունելով ՀՀ Կառավարության 2011թ. հունիսի 30-ի թիվ 959-Ն «ՀՀ մասնագիտական կրթության հավատարմագրման չափանիշները հաստատելու մասին» որոշմամբ սահմանված չափանիշներն ու չափորոշիչները։
ՀՊՏՀ փորձագիտական խմբի ղեկավարը ուսումնամեթոդական աշխատանքների գծով պրոռեկտոր Պարույր Քալանթարյանն է: Քննարկում-հանդիպումները համակարգում է համալսարանի որակի ապահովման բաժինը, որի աշխատակիցներն էլ մեզ հետ զրույցում ներկայացրեցին գործընթացը:
ՀՊՏՀ Լրատվության և հասարակայնության հետ կապերի բաժին