Բանկային կառավարման դպրոցի ղեկավարը հանդիպել է ՀՊՏՀ-ականների հետ
![](https://asue.am/images/1521866257/d305454e882bc2711cc99700.jpg)
Շարունակական կրթության և կարիերայի բաժնի և բանկային գործի և ապահովագրության ամբիոնի համատեղ նախաձեռնությամբ երեկ ՀՊՏՀ-ում հյուրընկալվել է Բանկային կառավարման դպրոցի տնօրեն Վարդուհի Հարությունյանը, ով հանդիպել է ուսանողների հետ և ներկայացրել ընկերության գործունեությունը: Ինչպես նշել է բանախոսը՝ Բանկային կառավարման դպրոցն օգնում է ուսանողներին բացահայտել սեփական ներուժը և հասկանալ մասնագիտության յուրահատկությունները, նորավարտ ուսանողներին հնարավորություն է տալիս ստանալ պրակտիկ գիտելիքներ: Այս մասին տեղեկացնում են շարունակական կրթության և կարիերայի բաժնից:
![](https://asue.am/images/1521866257/0e3b66bb62d5f686bbd96ded.jpg)
Ուսանողներին հետաքրքրել է, թե ինչպես է դպրոցն աջակցում իր շրջանավարտներին՝ աշխատանքի անցնելու գործընթացում, ինչով է տարբերվում դպրոցի ուսումնական ծրագիրն ավանդական կրթական ծրագրերից, որոնք են դպրոցի գործունեության շրջանակները, ժամանակակից աշխատաշուկայում մրցունակ դառնալու առավել գործող մեթոդները:
ՀՊՏՀ Լրատվության և հասարակայնության հետ կապերի բաժին