ՀՊՏՀ-ում 2016-2017 ուսումնական տարվա 2-րդ կիսամյակի դասերը կմեկնարկեն փետրվարի 9-ին

Դիտումների քանակ՝ 1822

Հաստատվել է 2016-2017 ուսումնական տարվա երկրորդ կիսամյակի դասերի մեկնարկի ժամանակացույցը, որը տրամադրել է ՀՊՏՀ ուսումնական բաժնի պետ Աղավնի Հակոբյանը:

Առկա ուսուցման բակալավրիատի 1-3-րդ կուրսերի և առկա ուսուցման մագիստրատուրայի 1-ին  կուրսի երկրորդ կիսամյակի դասերը կմեկնարկեն ս.թ. փետրվարի 9-ին:

Հեռակա ուսուցման բակալավրիատի  2-րդ և 3-րդ կուրսերի երկրորդ կիսամյակի դասերը կմեկնարկեն ս.թ. փետրվարի 27-ին, իսկ հեռակա ուսուցման բակալավրիատի 1-ին և 4-րդ կուրսերի  դասերը` ս.թ. ապրիլի 17-ին:

Առկա և հեռակա ուսուցման բակալավրիատի և մագիստրատուրայի 1-ին կիսամյակի վերահանձնումները կկազմակերպվեն ս.թ. հունվարի 30-ից փետրվարի 8-ը և փետրվարի 13-23-ն ընկած ժամանակահատվածում:

Հիշեցնենք, որ ավելի վաղ հրապարակել էինք 2016-2017 ուստարվա հեռակա ուսուցման բակալավրիատի և մագիստրատուրայի երկրորդ կիսամյակի ուսումնական գործընթացի կազմակերպման ժամանակացույցը, որին կարող եք ծանոթանալ հետևյալ հղումով՝  media.asue.am/upload/rectorat/heraka_usucum.pdf :

Աղավնի Հակոբյանի փոխանցմամբ՝ 2 շաբաթ անց պատրաստ կլինեն երկրորդ կիսամյակի դասացուցակները, ըստ այդմ՝ կհստակեցվեն տարբեր կրթաձևերի դասերը սկսելու ժամերը: Այս ամենին մենք կանդրադառնանք լրացուցիչ տեղեկատվությամբ:

Նշենք, որ ՀՊՏՀ-ում հունվարի 9-23-ը քննաշրջան է:

Մեր ուսանողներին մաղթում ենք հաջողություն:

ՀՊՏՀ Լրատվության և հասարակայնության հետ կապերի բաժին