Վահան Տեր-Բալյանը՝ բազկամարտի աշխարհի առաջնության արծաթե մեդալակիր

Դիտումների քանակ՝ 1465

ՀՊՏՀ ֆինանսական ֆակուլտետի 2-րդ կուրսի ուսանող Վահան Տեր-Բալյանը օրերս Բուլղարիայի Բլագոևգրադ քաղաքում կայացած բազկամարտի աշխարհի առաջնությունում (21 տարեկանների շաքում)  դարձել է արծաթե մեդալակիր:

Շուրջ հինգ տարի բազկամարտով զբաղվող մեր մարզիկը տարեցտարի ավելի լուրջ հաջողությունների է հասնում միջազգային ասպարեզում: Նախորդ մարզական սխրանքը Վահանը գրանցել է 2016 թվականի մայիսին Ռումինիայի մայրաքաղաք Բուխարեստում կայացած Եվրոպայի առաջնությանը՝ դառնալով չեմպիոն՝ ոսկե մեդալակիր:

Վահանը Հայաստանի բազկամարտի երիտասարդական ասոցիացիայի նախագահ Արտավազդ Նալբանդյանի սանն է, մարզվում է «Կոնան» մարզասրահում:

Շնորհավորում ենք մեր ուսանողին, մաղթում մշտապես բարելավել իր մազավիճակը և գրանցել նորանոր հաղթանակներ:

ՀՊՏՀ լրատվության և հասարակայնության հետ կապերի բաժին