ՀՊՏՀ գրադարանը շարունակում է համալրվել
![](https://asue.am/images/1521886665/8d6eb2471a2d0fa964e4cc40.jpg)
ՀՊՏՀ գրադարանը համալրվել է նոր գրքերով: Այս մասին լրատվության և հասարակայնության հետ կապերի բաժնին տեղեկացրեց գրադարանի տնօրեն Արմինե Հովհաննիսյանը՝ տրամադրելով ստորև ներկայացվող տեղեկատվությունը:
Գրադարանը հարուստ և բազմաբովանդակ է դառնում , երբ ունի անշահախնդիր բարեկամներ: Մեր գրադարանը բացառություն չէ. օրերս այն համալրվեց նորանուն մասնագիտական գրականությամբ. մեր նվիրատուներն են տնտեսագիտության դոկտոր, պրոֆեսոր Աշոտ Բայադյանը և տնտեսագիտության թեկնածու, մեր բուհի երկարամյա դասախոս Կիմա Վարդանյանը:
![](https://asue.am/images/1521886665/b3f9ab572fbd5aa7f9487197.jpg)
Պրոֆեսոր Բայադյանը մեր գրադարանին է նվիրել իր հեղինակած, և համահեղինակությամբ գրված «Տնտեսագիտական բառարան», «Բյուջետային կազմակերպությունների ֆինանսներ», «Պետական պարտքի կառավարման հիմնախնդիրները և դրանց լուծման ուղիները Հայաստանի Հանրապետությունում», «Ֆինանսական վերլուծություն» գրքերի 20 օրինակ: Մեր մյուս նվիրատու, տնտեսագիտության թեկնածու, մեր բուհի երկարամյա դասախոս Կիմա Վարդանյանը գրադարանին նվիրել է շուրջ 24 անուն մասնագիտական գրականություն:
Գրադարանի տնօրինությունը շնորհակալություն է հայտնում նվիրատուներին:
ՀՊՏՀ Լրատվության և հասարակայնության հետ կապերի բաժին