«Գործարար մտածելակերպ» խորագրով սեմինար՝ ՀՊՏՀ-ում
Կառավարման ամբիոնի ասիստենտ Աղասի Թավադյանի նախաձեռնությամբ և բանախոսությամբ մեր համալսարանում երեկ տեղի ունեցավ «Գործարար մտածելակերպ, փոխիր քեզ և փոխիր աշխարհը» խորագրով սեմինար, որին մասնակցում էին ուսանողներ, բուհի աշխատակիցներ:
Սեմինարի ընթացքում բանախոսը անդրադարձավ այն հարցերին, որոնք զարգացնում են գործարար մտածելակերպը, օգնում իրացնել գաղափարները, լինել նախաձեռնող:
Մեզ հետ զրույցում Աղասի Թավադյանն ասաց, որ սեմինարը հատուկ հաղորդագրություն ուներ՝ մոտիվացնել ուսանողներին ու ունկնդիրներին, նրանց մոտ ձևավորել գործարար, նախաձեռնողական մտածելակերպ:
«Պետք է կարողանալ արժևորել գաղափարները, կառավարել ժամանակը. սրա համար անհրաժեշտ են հմտություններ, որոնց զարգացմանն ուղղված հարցեր էին քննարկվում «Գործարար մտածելակերպ» խորագրով սեմինարում: Առաջիկայում ևս, նախատեսվում են նման սեմինարներ»,-ասաց Աղասի Թավադյանը:
ՀՊՏՀ Լրատվության և հասարակայնության հետ կապերի բաժին