Լույս է տեսել Ռաֆայել Երվանդյանի «Իմ Կոմիտասը» գիրքը
![](https://asue.am/images/1600245823/ecb624c52f1522d4407c642b.jpg)
Հայ երգի մեծ նվիրյալի՝ Կոմիտասի 150-ամյակին է նվիրված Ռաֆայել Երվանդյանի (ՀՊՏՀ պաշտոնական «Տնտեսագետ» ամսագրի հիմնադիր–խմբագիր (1977–2004 թթ.), «Բանբեր ՀՊՏՀ» գիտական հանդեսի պատասխանատու քարտուղար (2004–2011 թթ.) նոր գիրքը՝ «Իմ Կոմիտասը»: Իր տարիքի փառահեղ բարձունքում Ռ. Երվանդյանը արարում է երիտասարդական ավյունով ու արգասաբեր՝ իր ընթերցողին երկար չսպասեցնելով և շռայլորեն նվիրաբերելով իր մշակութաստեղծ էության գանձերը:
![](https://asue.am/images/1600245823/d1f6ed764f8ca728d636b38c.jpg)
«Յուրաքանչյուր հեղինակ, հոգու խորքում ունենալով իր Կոմիտասը, ընտրել է դեպի նրա աշխարհը տանող ի~ր ճանապարհը: Ռաֆայել Երվանդյանի ընտրած ճանապարհը ընթերցողին ուղեկցում է կոմիտասյան այն աշխարհը, որտեղ խնկարկելի մեր հանճարը կերպավորվում, կոթողայնացվում է ինքնօրինակ խազերի շեշտումներով: Հենց այդ ինքնօրինակությունն էլ սույն աշխատանքը վերածում է առանձնագծվող գիրք-երկխոսության, գիրք-խոհագրության». ասված է գրքի ծանոթագրությունում:
Գրքի պատասխանատու խմբագիրն է ՀՊՏՀ լեզուների ամբիոնի դոցենտ, բ.գ.թ., ՀՀ և ԱՀ գրողների միության անդամ Զուխրա Երվանդյանը:
ՀՊՏՀ Լրատվության և հասարակայնության հետ կապերի բաժին