Կյանքից հեռացել է Ռազմիկ Պետրոսյանը

31.10.2020
Դիտումների քանակ՝ 1240

Մեծ ցավով հայտնում ենք, որ այսօր կյանքից հեռացել է ՀՊՏՀ բնօգտագործման տնտեսագիտության ամբիոնի դոցենտ Ռազմիկ Արշակի Պետրոսյանը:

Նա իր փայլուն գիտամանկավարժական գործունեության ավելի քան երկու տասնամյակը նվիրել է մեր համալսարանին: Ռազմիկ Պետրոսյանն իր գիտական գործունեությամբ մեծ ավանդ է ներդրել շրջակա միջավայրի մասին գիտության զարգացման գործում, հեղինակել է մի շարք գրքեր և հոդվածներ:

«Անհնար է բառերով փոխանցել այն սերը և հարգանքը, որը վայելում էր պարոն Պետրոսյանը ուսանողների և կոլեկտիվի կողմից: Նա իր անգնահատելի ներդրումն ունի նաև ամբիոնի երիտասարդ դասախոսների ձևավորման գործում, նրա անսահման բարությունը և հոգու մաքրությունը վարակիչ էին»,- նշում են բնօգտագործման տնտեսագիտության ամբիոնի գործընկերները:

Ցավակցում ենք Ռազմիկ Պետրոսյանի ընտանիքին, հարազատներին և ընկերներին:

ՀՊՏՀ Լրատվության և հասարակայնության հետ կապերի բաժին