ՀՊՏՀ ուսանողից՝ աշխատակից․ Սաթենիկ Գևորգյան
Շարքը ներկայացնում է ՀՊՏՀ տնտեսության կարգավորման և միջազգային տնտեսական հարաբերությունների ֆակուլտետի շրջանավարտ, շարունակական կրթության բաժնի աշխատակից Սաթենիկ Գևորգյանին։
–Ի՞նչ է Ձեզ տվել բուհական կրթությունը։
–Նախևառաջ՝ տնտեսագիտական մտածելակերպ, ծանոթություններ, կապեր, աշխատանքային հնարավորություններ և, իհարկե, համակողմանի գիտելիք։
–Ինչպե՞ս կնկարագրեք ՀՊՏՀ-ում Ձեր աշխատանքը։
–Հաճելի, հետաքրքիր, մարտահրավերային, զարգացնող։ Աշխատանքը նաև հնարավորություն է տալիս ինքնարտահայտվելու։
–Ի՞նչ հետաքրքրություններ ունեք։
–Այս փուլում մեծապես հետաքրքրված եմ աստղագիտությամբ, ասեղնագործությամբ, ընթերցանությամբ և յոգայով։ Վերջին 2-3 տարիներին յոգան առօրյայիս անբաժան մասն է։
–Ո՞րն է Ձեր ամենամեծ երազանքը։
–Երազում եմ ուժեղ ու հզոր հայրենիք ունենալ, որպեսզի մարդիկ մի պահ անգամ չմտածեն երկրից հեռանալու մասին։
–Ո՞րն է Ձեր աշխատանքի ամենօրյա մոտիվացիան։
–Մոտիվացիայի հիմնական աղբյուրն ինձ համար աշխատանքային միջավայրս է, թիմակիցներս։ Շատ կարևոր է, որ միջավայրդ հոգեհարազատ է և զգում ես, որ թիմի մի մասն ես։
–Ի՞նչ խորհուրդ կտաք առաջին կուրսեցիներին։
–Խորհուրդ կտամ ինքնակրթվել, շատ կարդալ, ուսումնասիրել, մասնագիտությանը անհրաժեշտ նոր հմտություններ զարգացնել։