9-րդ նոր մագիստրոսական ծրագիրն ուղղված է արդյունաբերության ոլորտին. «Արդյունաբերական բիզնեսի կազմակերպում և կառավարում»

Դիտումների քանակ՝ 836

Սիրելի դիմորդներ, շարունակում ենք ներկայացնել Հայաստանի պետական տնտեսագիտական համալսարանում գալիք՝ 2020-2021 ուսումնական տարվանից ներդրվող մագիստրոսական նոր ծրագրերը: 9-րդ նոր մագիստրոսական ծրագիրը կոչվում է «Արդյունաբերական բիզնեսի կազմակերպում և կառավարում»:

Ծրագրի հիմքը դրվել է «Արմենիան Տիտանիում Փրոդաքշն» ընկերության հետ 2019թ. դեկտեմբերի 26-ին ստորագրված փոխըմբռնման հուշագրով:  Համաձայն այդ հուշագրի՝ նոր կրթական ծրագիրը նպատակ ունի ապահովելու արդյունավետ համագործակցություն արդյունաբերական ոլորտի  ընկերությունների, ձեռնարկատիրական այլ ոլորտների ընկերությունների և ծրագրի շրջանավարտների հետ:

Նոր մագիստրոսական ծրագիրը կիրականացվի

  • Արդյունաբերական ոլորտի գործատուների հետ համատեղ
  • 1,5 տարի ժամկետով
  • Ոլորտի լավագույն ղեկավար մասնագետների մասնակցությամբ
  • Նորագույն դասավանդման և կառավարման մեթոդների կիրառմամբ
  • Շաբաթական երեք անգամ
  • Երեկոյան ժամը 18:00-ից հետո
  • Դասընթացների ընթացքում կամ անմիջապես հետո ձեռնարկություններում փորձառության անցկացմամբ

«Արդյունաբերական բիզնեսի կազմակերպում և կառավարում» ծրագրի մանրամասները հասանելի են ՀՊՏՀ պաշտոնական կայքի (asue.am) «Դիմորդ» բաժնում, որին կարող եք ծանոթանալ այստեղ:

Նախորդ ծրագրերի մանրամասներին ևս կարող եք ծանոթանալ կայքի «Դիմորդ» բաժնում՝ հետևյալ հղումով:

Սիրելի դիմորդներ, հավելենք, որ այս շրջանում ՀՊՏՀ-ում ներդրվող մագիստրոսական ծրագրերի վերաբերյալ բազում արձագանքներ ու նաև հարցեր ենք ստանում: Հարցերը հիմնականում վերաբերում են դիմելու կարգին, անհրաժեշտ պայմաններին: Ցանկանում ենք նշել, որ այդ մասին մանրամասներ կտրվեն ընդունելության գործընթացը մեկնարկելուն պես: Այնպես որ, հետևեք մեր կայքի և ֆեյսբուքյան էջի լուրերին:

ՀՊՏՀ Լրատվության և հասարակայնության հետ կապերի բաժին