ՀՊՏՀ-ն հայտարարում է մրցույթ՝ Գյումրու և Եղեգնաձորի մասնաճյուղերի տնօրենների թափուր տեղերի համար
Հայաստանի պետական տնտեսագիտական համալսարանը Գյումրու և Եղեգնաձորի մասնաճյուղերի տնօրենների թափուր տեղերի համար հայտարարում է մրցույթ:
Այս մասին հայտնում են ՀՊՏՀ մարդկային ռեսուրսների կառավարման բաժնից և մանրամասնում, որ մրցույթին կարող են մասնակցել տնտեսագիտության դոկտորի կամ տնտեսագիտության թեկնածուի գիտական աստիճան և պրոֆեսորի կամ դոցենտի կոչում ունեցող անձինք, որոնք ունեն առնվազն հինգ տարվա բուհական գիտամանկավարժական կամ բուհական վարչական աշխատանքի ստաժ:
Հավակնորդները, հայտարարության մեջ նշված ժամկետում, մարդկային ռեսուրսների կառավարման բաժին պետք է ներկայացնեն.
- դիմում ռեկտորին,
- քաղվածք աշխատանքային գրքույկից,
- ինքնակենսագրություն,
- կադրերի հաշվառման սահմանված կարգով լրացված թերթիկ՝ լուսանկարով,
- գիտական (որակավորման) աստիճանը և գիտական կոչումը հաստատող փաստաթղթերի պատճեններ,
- տպագրված (հրատարակված) գիտական և մեթոդական աշխատանքների ցուցակ,
- մասնաճյուղի գործունեության և զարգացման առաջիկա հնգամյակի ծրագիր:
Մրցույթին մասնակցելու համար դիմումներն ընդունվում են 2021 թվականի մարտի 10-ից 2021 թվականի ապրիլի 8-ը ներառյալ:
Անհրաժեշտ փաստաթղթերի փաթեթները սահմանված ժամկետում պետք է ներկայացնել համալսարանի մարդկային ռեսուրսների կառավարման բաժին՝ ք. Երևան, Նալբանդյան 128, ՀՊՏՀ կենտրոնական մասնաշենք, 3-րդ հարկ: