ՀՊՏՀ շրջանավարտ, երիտասարդ գործարար Համլետ Խնկոյանը բանախոսեց ուսանողների համար
ՀՊՏՀ մագիստրոս, մարքեթինգի և բիզնեսի կազմակերպման ֆակուլտետի 2020 թ․ շրջանավարտ, “Big Projects” ընկերության հիմնադիր և տնօրեն Համլետ Խնկոյանը այսօր հարազատ բուհ էր եկել՝ իր հաջողության պատմությունն ու մասնագիտական ձեռքբերումները համալսարանականներին ներկայացնելու նպատակով։
«Մեծ միջոցառումների կազմակերպում և կառավարում» խորագրով հանդիպմանը մեր առաջավոր ու նպատակասլաց շրջանավարտը, իր օրինակը ներկայացնելով, խոսեց «զրո կետից» բիզնես հիմնելու առանձնահատկությունների, մոտիվացված ու ստեղծագործական մոտեցմամբ աշխատելու կարևորության, նախագծերի կառավարման հիմունքների մասին։
asue.am-ի հետ զրույցում Համլետը նշեց, որ կարևոր է համարում իր համալսարանական ընկերներին ոգեշնչելն ու նրանց որոշակի գործնական հմտություն փոխանցելը, ինչպես նաև՝ այսօրվա այցի նպատակներից է կամավորների հավաքագրումը, որոնցից լավագույնները հետագայում “Big Projects” ընկերությունում աշխատանքի կանցնեն։
Իրավամբ, հանդիպումը ծառայեց ի սկզբանե սահմանված նպատակին՝ ուսանողներին ոգեշնչեց պրպտելու, նախաձեռնելու, ստեղծելու ու շարունակաբար սովորելու։
ՀՊՏՀ Լրատվության և հասարակայնության հետ կապերի բաժին