ՀՊՏՀ դեկանն այցելել է RISEBA համալսարան
![](https://asue.am/images/1713784829/0b23927620f50c9c085c9311.jpg)
«Էրազմուս+»-ի միջազգային շարժունության ծրագրի շրջանակում ապրիլի 15-19 RISEBA կիրառական գիտությունների (Լատվիա) համալսարան է այցելել ՀՊՏՀ մարքեթինգի և բիզնեսի կազմակերպման ֆակուլտետի դեկան Նարեկ Կեսոյանը։
Նա արդյունավետ հանդիպումներ է ունեցել RISEBA-ի հասարակայնության հետ կապերի ու գովազդների կառավարման ծրագրի տնօրեն Աննա Կվելդեի, մարքեթինգի դեպարտամենտի ղեկավար Անտա Բուտեի, «Էրազմուս+» ծրագրի ղեկավար Լայմա Զագարեի, մարքեթինգի և վաճաքի մասնագետ Կառլիս Պլոկսի, համալսարանի վարչական ու պրոֆեսորադասախոսական կազմի ներկայացուցիչների հետ։
![](https://asue.am/images/1713784829/926ffc0f175a49e50753e2ee.jpg)
Քննարկումների ընթացքում գործընկերներին են ներկայացվել բուհի վերջին ձեռքբերումները և նախատեսվող միջոցառումները։ Պայմանավորվածություններ են ձեռք բերվել երկկողմ կապերի ամրապնդման, համատեղ դրամաշնորհային նախագծերին մասնակցության, հետազոտությունների իրականացման, գիտակրթական և ուսումնական ծրագրերի շուրջ համագործակցության վերաբերյալ։