Տեղեկատվական հանդիպում DAAD-ի ներկայացուցչի հետ
ՀՊՏՀ միջազգային ծրագրերի կենտրոնում երեկ՝ մարտի 23-ին, տեղի ունեցավ հանդիպում DAAD (Գերմանական ակադեմիական փոխանակման ծառայութուն) տեղեկատվական կենտրոնի տնօրեն Սիլվիա Շմիդի հետ, ով մեր համալսարանի ուսանողներին ներկայացրեց Գերմանիայում ուսանելու և հետազոտական աշխատանքներ կատարելու հնարավորությունները՝ կրթաթոշակային ծրագրերը և դրանց դիմելու ընթացակարգերը: Կենտրոնի տնօրենը այս գործունեության համար Գերմանիան ներկայացրեց որպես նպաստավոր երկիր՝ բարենպաստ կրթական պայմաններով, միջազգային ուսանողների համար ծառայությունների ընդգրկուն հնարավորություններով, ակադեմիական ու մասնագիտական առաջընթացի հեռանկարներով:
Ուսանողները հնարավորություն ստացան DAAD-ի ներկայացուցչին ուղղելու իրենց հետաքրքրող հարցերը: Բաժանվեցին տեղեկատվական գրքույկներ:
Հանդիպումը կազմակերպել էր ՀՊՏՀ արտաքին կապերի բաժինը:
ՀՊՏՀ Լրատվության և հասարակայնության հետ կապերի բաժին