Բաց դաս՝ միտված գործնական գիտելիքների հարստացմանը
ՀՊՏՀ ուսանողական խորհրդի հրավերով այսօր մեր բուհում էին «Իմեքս գրուպ» («Իդեալ համակարգ», «Z&A» խանութների ցանց) ընկերության տնօրենի օգնական Կարեն Կարապետյանը և մարքեթինգի բաժնի պետ Դավիթ Ապրիկյանը, ովքեր ուսանողներին իրենց կազմակերպության օրինակով ներկայացրեցին մարքեթինգային քաղաքականությանը, մարքեթինգին առնչվող մի շարք հարցեր:
Դասի ընթացքում խոսվեց կազմակերպության հաճախորդների դասակարգման, գնային քաղաքականության,շուկայում մրցակցային դիրք գրավելու և ընկերության մարքեթինգային քաղաքականությանն առնչվող այլ քայլերի մասին:
Կազմակերպության ներկայացուցիչները պատկերավոր օրինակներով ուսանողներին փոխանցեցին մարքեթինգային գործնական գիտելիքներ:
Բանախոսները պատասխանեցին ուսանողներին հետաքրքրող հարցերին:
ՀՊՏՀ Լրատվության և հասարակայնության հետ կապերի բաժին