Հայտնի են մագիստրատուրայի 1-ին փուլով (անվճար) ընդունվածների անունները
![](https://asue.am/images/1521617881/260698ee72e3daf97f22f1a2.jpg)
Հայտնի են 2014-2015 ուսումնական տարվա` պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար) ուսուցման համակարգի մագիստրատուրայի առկա ուսուցման ընդունելության 1-ին փուլի արդյունքներով 1-ին կուրս ընդունվածների անունները:
ՀՊՏՀ լրատվության և հասարակայնության հետ կապերի բաժնին ՀՊՏՀ ընդունող հանձնաժողովի պատասխանատու քարտուղար Մերի Բադալյանը հայտնեց, որ մագիստրատուրայի 1-ին փուլի դիմորդների թիվն ավելին է եղել, քան ՀՊՏՀ-ին հատկացված տեղերը. 160 տեղի համար՝ 238 դիմորդ:
«Շատ դիմորդներ, ովքեր չեն հաղթահարել անվճար մագիստրատուրայի ընդունելության մրցույթը՝ շարունակում են մասնակցել վճարովի մագիստրատուրայի ընդունելության մրցույթին: Շնորհավորում եմ 1-ին փուլի արդյունքներով մագիստրատորա ընդունված ուսանողներին, մաղթում նորանոր ձեռքբերումներ»,-ասաց ընդունող հանձնաժողովի պատասխանատու քարտուղարը:
Հիշեցնենք, որ առաջիկա երկուշաբթի օրվանից՝ հունիսի 16-ից, կմեկնարկի ՀՊՏՀ մագիստրատուրայի ընդունելության 2-րդ փուլը (վճարովի տեղերի համար), որին կարող են մասնակցել նաև այլ բուհերի շրջանավարտներ:
Մագիստրատուրայի ընդունելության 1-ին փուլը հաղթահարած ուսանողների անունները (ըստ մասնագիտությունների և մասնագիտացումների)՝ այստեղ:
Ըստ գործող կարգի, այս ցուցակները փակցված են նաև ՀՊՏՀ ընդունող հանձնաժողովի ցուցափեղկում:
Շնորհավորում ենք բոլոր ընդունվածներին, ուսման մեջ մաղթում հաջողություններ:
ՀՊՏՀ Լրատվության և հասարակայնության հետ կապերի բաժին