Երկօրյա սեմինար` «Քո կարիերայի օրը» խորագրով

ՀՊՏՀ արտաքին կապերի բաժնի տրամադրած տեղեկատվության համաձայն` 
«Երիտասարդներ հանուն ապագայի» («Youth for future») հասարակական կազմակերպությունը կազմակերպում է «Քո կարիերայի օրը» խորագրով երկօրյա սեմինար:

Սեմինարին կարող են մասնակցել ուսանողներ և բուհերի շրջանավարտներ:
Միջոցառմանը ներկայացվելու են CV կազմելու, հայտադիմում լրացնելու, ինչպես նաև հարցազրույցին ճիշտ ներկայանալու կանոնները:

Մասնակիցները կստանան գործնական գիտելիքներ, նրանց իրենց փորձը կփոխանցեն «AIESEC» ուսանողական կազմակերպության, «Կարմիր խաչի, ինչպես նաև «Orange Հայաստանի», ԵԱՀԿ-ի հայաստանյան գրասենյակի և DHL կազմակերպությունների HR մասնագետները` ներկայացնելով տվյալ կազմակերպություններում հարցազրույցներին ներկայանալու հմտությունները:
Կկազմակերպվի նաև EXPO, որտեղ կներկայացվեն այդ կազմակերպություններում առկա թափուր աշխատատեղերն ու ծրագրերը: Դրանից հետո մասնակիցները փորձնական կդիմեն այդ աշխատատեղերում աշխատանքի ընդունվելու համար և կանցնեն խաղ-հարցազրույց տվյալ կազմակերպության մասնագետի հետ: Հարցազրույցից հետո մասնագետները կնշեն մասնակցի թերություններն ու դրական կողմերը` մասնակցին օգնելով հասկանալ, թե որքանով է վերջինս համապատասխանում տվյալ կազմակերպության պահանջներին:

Դասընթացների արդյունքում ձեռք բերված գիտելիքներն ու փորձը ծրագրի մասնակիցների կողմից կկիրառվեն աշխատանքի ընդունվելու ժամանակ՝ նպաստելով իրենց ներուժը լավագույնս ներկայացնելուն:

Եվ այսպես՝
օրը՝ ս.թ. հուլիսի 12-13,
վայրը՝ Հայաստանի երիտասարդական հիմնադրամի նիստերի դահլիճ:

Սեմինարին մասնակցելու համար խնդրում ենք լրացնել հետևյալ դիմումը` https://docs.google.com/a/aiesec.net/spreadsheet/viewform?formkey=dHRLc2JqcnJzaU9YSWVwWkR5cjJpQlE6MQ#gid=0:

Ծրագրին դիմելու վերջնաժամկետն է hուլիսի 5-ը:

Կոնտակտային տվայալներ՝ yffarm@ymail.com
http://yffarm.wordpress.com/ <http://yffarm.wordpress.com/>: