Հայտարարություն Հայաստանի պետական տնտեսագիտական համալսարանի մրցութային հիմունքներով ձևավորվող փորձագիտական խմբի վերաբերյալ

I. ԸՆԴՀԱՆՈՒՐ ԴՐՈՒՅԹՆԵՐ

1. Հայաստանի պետական տնտեսագիտական համալսարանը (այսուհետ՝ ՀՊՏՀ) նախաձեռնում է ՀՊՏՀ-ում մաս­նագիտական ծառայու­թյուն­ներ մատուցող և մրցութային հիմունքներով ընտրվող ներքին փորձագիտական աշխա­տանքային խմբի ձևավորում։

2. Փորձագիտական խմբի աշխատանքը ենթադրում է համալսարանի կրթական գործընթացի և որակի ապահովման կարգավորումների մշակման, ինչպես նաև նոր մշակվող կամ գործող կրթական ծրագրերի ու դաս­ըն­թաց­ների ծրագրերի կառուցվածքի, դիզայնի, բովանդա­կու­թյան փորձագիտա­կան գնահատման աշխատանքներում առա­ջա­վոր փորձի ներ­դրման և Համալսարանի գործունեության բարելավման ուղիների վերաբերյալ խորհրդատվության տրա­մա­դրման անընդ­հատ, շարունակական գործընթաց:

3. Սույն մրցութային ընտրության առաջարկը սահմանում է փորձագիտական խմբի գործունեության հիմ­նա­կան ուղղությունները, ձևավորման և հաշվետվողականության ընթացակարգը:

4. Իր գործունեության ընթացքում փորձագիտական խումբը ղեկավարվում է ՀՊՏՀ 2017-2022 թթ. զարգացման ռազմավարության և գործողությունների ծրագրով, ՀՊՏՀ կանոնադրությամբ, ՀՀ օրենքներով և այլ իրավական փաստաթղթերով:

5. Փորձագիտական խմբի կազմակերպատեխնիկական և տեղեկատվական ապա­հո­վումն ու ընթացիկ աշխատանքների համակարգումն իրա­կանացնում են ՀՊՏՀ ուսումնական աշխատանքների գծով պրոռեկտորը և որակի ապահովման բաժինը:

2 ՓՈՐՁԱԳԻՏԱԿԱՆ ԽՄԲԻ ՆՊԱՏԱԿՆԵՐԸ

Փորձագիտական խմբի հիմնական նպատակներն են`

6. մշակել «Հայաստանի պետական տնտեսագիտական համալսարան» պետական ոչ առևտրային կազմակերպության պրոֆեսորադասախոսական անձնակազմի մասնագիտական ատեստավորման կարգ»,

7. մշակել «Հայաստանի պետական տնտեսագիտական համալսարան» պետական ոչ առևտրային կազմակերպության պրոֆեսորադասախոսական անձնակազմի ընտրության և տեղակալման կարգ»,

8. մշակել «Հայաստանի պետական տնտեսագիտական համալսարան» պետական ոչ առևտրային կազմակերպության ակադեմիական ազատությունների և էթիկայի (ներառյալ հետազոտությունների էթիկայի) կանոնակարգ»,

9. մշակել «Հայաստանի պետական տնտեսագիտական համալսարան» պետական ոչ առևտրային կազմակերպության ներքին կարգապահական կանոններ»,

10. մշակել Որակի ապահովման և կրթական գործընթացի կազմակերպման այլ կարգեր՝ ըստ պահանջի,

11. իրականացնել ՀՊՏՀ-ի ամբիոնների կողմից մշակվող կրթական ծրագ­րերի կա­ռուց­վածքի և բովանդակության փորձագիտական գնահատում՝ ըստ գոր­ծող չա­փ­ո­րո­շիչների և սահմանված ժամանակացույցի,

12. կատարել կրթական ծրագրերի իրականացման ընթացքի մշտադիտարկում և գնահատում,

13. իրականացնել կրթական ծրագրերից և դրանց առանձին բաղադրիչներից ուս­ում­նառողների բավարարվածության հարցում և արդյունքների վերլուծություն՝ ըստ սահմանված ժամանակացույցի,

14. գնահատել շահակիցների (ուսանող, դասախոս, ծնող, հասարակություն) կրթա­­կան կարիքները և դրանք բավարարելու կարողությունները։

3 ՓՈՐՁԱԳԻՏԱԿԱՆ ԽՄԲԻ ԿԱԶՄԸ ԵՎ ՁԵՎԱՎՈՐՄԱՆ ԿԱՐԳԸ

15. Փորձագիտական խումբը բաղկացած է 10 անդամից, որից 2-ը՝ ՀՊՏՀ ուսա­նողներ:

16. Խմբի աշխա­տան­­քայ­ին լեզուն հայերենն է:

17. Փորձագիտական խումբը ձևավորվում է ՀՊՏՀ ներքին մրցութային ընթացա­կար­­գով: Փոր­ձա­գետ­ների ընտրությունը կատարվում է մրցութային հանձնաժողովի կող­մից՝ թեկնածուների /հավակնորդների/ ինքնակենսագրականների (CV) և նրանց հետ հարցազրույցների արդյունքների հիման վրա: Ինքնակենսագրականները պետք է ներկայացնել 10-օրյա ժամկետում՝ մինչև սույն թվականի սեպտեմբերի 20-ը: Դրանք կարող եք առձեռն ներկայացնել ՀՊՏՀ ընդհանուր բաժին կամ ուղարկել info@asue.am էլ.փոստի հասցեով:

18. Փորձագետի թեկնածուն պետք է բավարարի հետևյալ պահանջներին`

19. լինի ՀՊՏՀ պրոֆեսորադասախոսական կամ վարչական անձնակազմի ներ­կա­յա­ցու­ցիչ կամ ուսա­նող (այդ թվում մագիստրոս և ասպիրանտ),

20. ունենա համապատասխան գիտելիքներ կրթության որակի ապահովման ներքին և արտաքին գործընթացների վերաբերյալ (կրթության որակի ապահովման ար­տաքին և ներքին համակարգերի գիտելիքը հավաստող հավաստագրի առկա­յու­թյունը կդիտվի որպես առավելություն),

21. ունենա համապատասխան գիտելիքներ և փորձառություն իրավական կամ ներքին իրավական փաստաթղթերի մշակման կամ փորձաքննության բնագավառում

22. ունենա համապատասխան փորձառություն կրթական ծրագրերի մշակման, փոր­ձա­գիտության կամ դրանց իրականացման մշտադիտարկումների ոլորտում,

23. կարողանա իրականացնել կիրառական հետազոտություններ և վերլուծու­թյուն­ներ,

24. կարողանա կիրառել վիճակագրական վերլուծության գործիքներ (օրի­նակ՝ տիրա­պետի SPSS, MS Excel, և այլն),

25. կարողանա կիրառել ռազմավարական վերլուծության գործիքներ:

4 ՓՈՐՁԱԳԻՏԱԿԱՆ ԽՄԲԻ ԳՈՐԾՈՒՆԵՈՒԹՅԱՆ ԺամկետԸ ԵՎ ՎԱՐՁԱՏՐՈՒԹՅՈՒՆԸ

26. Փորձագետների աշխատանքը սկսվում է 2019թ. հոկտեմբերի 1-ից, մեկ տարի ժամ­կետով, որը կարող է երկարացվել ըստ անհրաժեշտության:

27. Փորձագետի մատուցած ծառայությունների դիմաց պատվիրատուն կատարում է ամենամսյա վճարում՝ համաձայն պայմանագրի գնի և կատարողականի: