Global Money Week-ը՝ ՀՊՏՀ-ում. պանելային քննարկում
2022 թվականի մարտի 21-27-ն ամբողջ աշխարհում նշվում է «Փողի միջազգային շաբաթը» (Global Money Week), որի նպատակը պատանիների և երիտասարդների շրջանում ֆինանսական իրազեկվածության բարձրացումն է։ Այս տարի Global Money Week-ի 10-ամյա հոբելյանն է։ Global Money Week 2022-ի կարգախոսն է՝ «Կառուցե՛ք ձեր ապագան, խելացի՛ եղեք փողի հարցում» (Build your future, be smart about money)։
Հայաստանի պետական տնտեսագիտական համալսարանը, ՀՀ կենտրոնական բանկը և Տնտեսական համագործակցության և զարգացման կազմակերպությունը մարտի 22-ին` ժամը 12։30-ին, ՀՊՏՀ կառավարման ֆակուլտետի մեծ դահլիճում համատեղ կիրականացնեն պանելային քննարկում։
Global Money Week-ի բանախոսներն են՝
- Աշոտ Մարդոյան, ՀՊՏՀ բանկային գործի և ապահովագրության ամբիոնի վարիչ, տ.գ.թ., դոցենտ, թեման՝ «Գնաճի հիմնական պատճառները ՀՀ-ում և ԱՄՆ դոլարի փոխարժեքի դերն այդ գործընթացում»,
- Վանինե Երանոսյան, ՀՊՏՀ ֆինանսների ամբիոնի դոցենտ, տ.գ.թ., թեման՝ «Ֆինտեխն ու դրա կարգավորումը. աշխարհն ու մենք»,
- Էդգար Աղաբեկյան, ՀՊՏՀ ֆինանսների ամբիոնի դոցենտ, տ.գ.թ., թեման՝ «Ռուս-ուկրաինական պատերազմի ազդեցությունը հայաստանյան ֆինանսական շուկայի վրա․ ռիսկեր և սպասումներ»,
- Արաքս Մանուչարյան, ՀՀ կենտրոնական բանկի ֆինանսական կրթության փորձագետ, թեման՝ «Անձնական ֆինանսների կառավարման գաղտնիքները. կա՞ն, չկա՞ն, ինչպե՞ս գտնել արդյունավետ ուղին»։
Հանդիպման վերջում մասնակիցներին տրվելու է հավաստագիր։ Մասնակցության համար խնդրում ենք գրանցվել հետևյալ հղումով։
Բեր քեզ ու քո հետաքրքիր հարցերը, որոնց պատասխանները կօգնեն ավելի լավ կառավարել քո փողերը։