«Ամբերդ» տեղեկագրի հատուկ թողարկումը կներկայացնի ՀՊՏՀ մագիստրանտների և ասպիրանտների հոդվածները
Հարգելի՛ մագիստրանտներ և ասպիրանտներ,
ՀՊՏՀ «Ամբերդ» հետազոտական կենտրոնը, Ուսանողական գիտական ընկերության (ՈւԳԸ) և ասպիրանտուրայի բաժնի հետ համատեղ, նախաձեռնում է «Ամբերդ» տեղեկագրի հատուկ թողարկման աշխատանքները, որում ներառվելու են բացառապես ՀՊՏՀ մագիստրանտների և ասպիրանտների վերլուծական հոդվածները։
Այս նախաձեռնությամբ փորձ է արվում օժանդակելու գիտական մտքի երիտասարդացման գործընթացին, որը «Ամբերդ» հետազոտական կենտրոնի կարևոր առաքելություններից է։
Հոդվածների նախընտրելի ուղղությունները պետք է լինեն ներքոթվարկյալ խորագրերի տրամաբանական շրջանակում և բավարարեն ներկայացվող պահանջները։
Թեմատիկ խորագրերն են՝
- Տնտեսության «զարկերակ»
- Մակրոտնտեսական «բարոմետր»
- Ֆինանսական համակարգ
- Հարկաբյուջետային շրջանակ
- Տարածքային զարգացում
- Քաղաքային տնտեսություն
- Կրթություն, նորարարություն, գիտելիք
- Սոցիալական քաղաքականություն
- Ագրարային քաղաքականություն
- Շուկաներ և մրցակցություն
- Հայաստան-Սփյուռք, Հայաստան-Արցախ, Հայաստան և աշխարհ
- Շրջակա միջավայրի և կլիմայի փոփոխություն
- Անվտանգություն և մարտահրավերներ
- Հայ հասարակության տեսլականը
Իսկ դուք գիտե՞ք, որ․․․
Հոդվածներին ներկայացվող պահանջները.
- էջերի քանակ՝ մինչև 15 էջ,
- շարվածքի տառատեսակ` GHEA Grapalat,
- տառաչափ` 12, տողամեջ` 1,5,
- հեղինակի անուն, ազգանուն, աշխատավայր, պաշտոն, գիտական աստիճան, կոչում (հայերեն, ռուսերեն, անգլերեն), հեռախոսահամար, հակիրճ ինքնակենսագրություն,
- տողատակում՝ հղումներ. աղբյուրի հեղինակ, վերնագիր, հրատարակության վայր, տարեթիվ, մամուլի դեպքում՝ համար, էջ,
- համառոտագիր, հիմնաբառեր (հայերեն, ռուսերեն, անգլերեն),
- գրականության ցանկ:
Հոդվածները սահմանված կարգով գրախոսվելու են համապատասխան մասնագետների կողմից:
Լրացուցիչ մանրամասները ներկայացնելու համար ս.թ. հոկտեմբերի 18-ին՝ 12:30-ին, «Ամբերդ» հետազոտական կենտրոնում նախատեսվում է անցկացնել տեղեկատվական հանդիպում:
Հոդվածները պետք է ներկայացնել amberd@asue.am կամ amberd.asue@gmail.com էլեկտրոնային հասցեներին՝ մինչև ս.թ. նոյեմբերի 15-ը, ժամը 17:30-ը:
Հրապարակված հոդվածների հեղինակները կստանան հոնորար՝ 20000 դրամի չափով (առանց հարկերի և այլ պարտադիր վճարների):
Լրացուցիչ հարցերի դեպքում զանգահարել 010-593489, 033-770101 հեռախոսահամարներով:
ՀՊՏՀ «Ամբերդ» հետազոտական կենտրոն
ՀՊՏՀ ուսանողական գիտական ընկերություն
ՀՊՏՀ ասպիրանտուրայի բաժին