ՀՊՏՀ 2024-2025 ուստարվա դասացուցակները, դասաժամերը, հերթափոխները՝ համապարփակ տեղեկատվությամբ

Սիրելի՛ ուսանողներ, առաջի՛ն կուրսեցիներ, սեպտեմբերի 2-ին, ժամը 08:30-ին ձեզ սպասում ենք ՀՊՏՀ բակում՝ մեկնարկելու 2024-2025 ուսումնական տարին։

08:30-ից (դասերի սկիզբը՝ 09:00-ին) ՀՊՏՀ բակում (մուտքը՝ Ա. Մանուկյան փողոցից՝ դարպասի կողմից) ձեզ կդիմավորեն, շնորհավորանքի խոսքեր կուղղեն, որից հետո կուղեկցեն լսարաններ, և կսկսվի ուսումնական գործընթացը։ Ինֆորմատիկայի և վիճակագրության ֆակուլտետի առաջին կուրսեցիներին ֆակուլտետի ղեկավարությունը կդիմավորի Քանաքեռ-Զեյթուն համայնքում՝ Պ. Սևակի 77 հասցեում գտնվող մասնաշենքում։

Բուհի պաշտոնական կայքում հասանելի են առկա բակալավրիատի 1-4-րդ և առկա մագիստրատուրայի 2-րդ կուրսերի 2024-2025 ուստարվա 1-ին կիսամյակի դասացուցակները։ Առկա բակալավրիատի դասացուցակներին կարող եք ծանոթանալ այստեղ, առկա մագիստրատուրայի 2-րդ կուրսի դասացուցակներին՝ այստեղ։

Սեպտեմբերի 2-ին մեկնարկում են առկա բակալավրիատի բոլոր կուրսերի և առկա մագիստրատուրայի դասերը։ Միայն առկա մագիստրատուրայի 1-ին կուրսերի դասերի մեկնարկը նախատեսված է մեկ շաբաթ հետո՝ սեպտեմբերի 9-ին։ Հեռակա բակալավրիատի  1-ին և 2-րդ կուրսերի դասերը մեկնարկում են նոյեմբերի 11-ին, իսկ 3-րդ, 4-րդ և 5-րդ կուրսերի դասերը՝ սեպտեմբերի 23-ին։ ՀՊՏՀ-ում 2024-2025 ուստարվա ուսումնական գործընթացի ժամանակացույցը հասանելի է հետևյալ հղմամբ:

Հայաստանի պետական տնտեսագիտական համալսարանում դասերի սկիզբը  ժամը 09:00-ին է, յուրաքանչյուր դասը՝ 80 րոպե տևողությամբ, դասերը 3 հերթափոխով են։

Առկա բակալավրիատի 1-ին, 2-րդ և 3-րդ կուրսերը՝ առաջին հերթափոխ
1-2 ժամ՝ 09։00 - 10։20
3-4 ժամ՝ 10։30 - 11։50
5-6 ժամ՝ 12։10 - 13։30

Առկա բակալավրիատի 4-րդ կուրսը, առկա մագիստրատուրայի ոչ երեկոյան կուրսերը և հեռակա բակալավրիատի և հեռակա մագիստրատուրայի բոլոր կուրսերը՝ երկրորդ հերթափոխ
1-2 ժամ՝ 13։40 - 15։00
3-4 ժամ՝ 15։10 - 16։30
5-6 ժամ՝ 16։40 - 18։00

Առկա մագիստրատուրայի երեկոյան կուրսերը՝ երրորդ հերթափոխ
1-2 ժամ՝ 18։20 - 19։40
3-4 ժամ՝ 19։50 - 21։10
5–6 ժամ՝ 21։20 - 22։40

Սիրելի՛ առաջինցիներ, ձեզ ենք ներկայացնում  նաև ՀՊՏՀ մասնագիտությունները՝ ըստ ֆակուլտետների

1. «Կառավարում», «Սերվիս»՝ կառավարման ֆակուլտետ,
2. «Տնտեսագիտություն», «Բնապահպանություն և բնօգտագործում»՝ տնտեսության կարգավորման և միջազգային տնտեսական հարաբերությունների ֆակուլտետ,
3. «Հաշվապահական հաշվառում և հարկում»՝ հաշվապահական հաշվառման և աուդիտի ֆակուլտետ,  4. «Ֆինանսներ»՝ ֆինանսական ֆակուլտետ, 
5. «Շուկայագիտություն (մարքեթինգ)», «Զբոսաշրջություն»՝ մարքեթինգի և բիզնեսի կազմակերպման ֆակուլտետ, 
6. «Վիճակագրություն», «Ակտուարական և ֆինանսական մաթեմատիկա», «Տեղեկատվական համակարգեր»՝ ինֆորմատիկայի և վիճակագրության ֆակուլտետ։

ՀՊՏՀ Գյումրու և Եղեգնաձորի մասնաճյուղերում ուսումնական գործընթացը կկազմակերպվի մեկ հերթափոխով և կմեկնարկի ժամը 09:30-ին։

ՀՊՏՀ ֆինանսատնտեսագիտական քոլեջում նոր ուսումնական տարվա մանրամասներին կարող եք ծանոթանալ հետևյալ հղմամբ։