Համախմբվելով ազգային երգ ու պարի շուրջ. ֆլեշմոբ ՀՊՏՀ-ում

ՀՊՏՀ բակում ուսանողական խորհրդի նախաձեռնությամբ անցկացվող ֆլեշմոբերը գեղեցիկ ավանդույթ են դարձել: Դրանք նվիրված են լինում որևէ տոնի կամ պարզապես լինում են խորհրդանշական: Այսօր ՈւԽ «Նժդեհ» ռազմահայրենասիրական ակումբը երկար դասամիջոցին կազմակերպել էր ազգային երգ ու պարի համախմբող խորհուրդն  արժևորող ֆլեշմոբ:

Ինչպես մեզ ասաց ՈւԽ նախագահ Սերգեյ Խառատյանը, այս նախաձեռնությունը մեր մշակույթը ներկայացնելու, ուսանողների ռազմահայրենասիրական ոգին բարձրացնելու,  ինչպես նաև նրանց  հայկական պար ուսուցանելու նպատակ ուներ: ՈւԽ նախագահի խոսքով՝ ուսանողները պարը սովորել են մեր համալսարանում,  նմանօրինակ միջոցառումները շարունակական են լինելու:

ՀՊՏՀ Լրատվության և հասարակայնության հետ կապերի բաժին