Լույս են տեսել «Ամբերդ» մատենաշարի մենագրությունները
![](https://asue.am/images/1521959405/b4910fa74342d6af16b8165a.jpg)
Մեր համալսարանի «Տնտեսագետ» հրատարակչությունում տպագրվել են «Ամբերդ» հետազոտական կենտրոնի 2014թ. կատարված հետազոտությունների, ինչպես նաև 2015 թ. կատարված հետազոտությունների որոշ մասի գիտական հաշվետվությունները, ընդհանուր թվով՝ 11 մենագրություն:
Անդրադառնալով «Ամբերդ» մատենաշարի հերթական թողարկմանը՝ «Ամբերդ» հետազոտական կենտրոնի տնօրեն, պրոֆեսոր Սամվել Ավետիսյանը լրատվության և հասարակայնության հետ կապերի բաժնին ասաց, որ նոր մենագրություններն այժմ տարածվում են համապատասխան նախարարությունների, գերատեսչությունների, բուհերի, գրադարանների, գիտական և այլ կազմակերպությունների շրջանում:
«Բավականին արդյունավետ աշխատանք է կատարվել հրատարակչության և տպարանի աշխատակիցների, խմբագիրների և գրախոսողների կողմից, ինչի համար հայտնում ենք մեր շնորհակալությունը»,- ասաց Սամվել Ավետիսյանը:
Հրատարակված մենագրությունները հասանելի են ՀՊՏՀ պաշտոնական կայքում. դրանց կարող եք ծանոթանալ հետևյալ հղումով՝ http://goo.gl/40dGFK :
Շնորհավորում ենք բոլոր հեղինակներին:
ՀՊՏՀ Լրատվության և հասարակայնության հետ կապերի բաժին