«ՀՊՏՀ գավաթ-2015» մրցույթ-փառատոնում մեր թիմը 3-րդ տեղում է
Հայաստանի երիտասարդական հիմնադրամի երիտասարդական կենտրոնում երեկ կայացել է «ՀՊՏՀ գավաթ» ամենամյա ինտելեկտուալ մրցույթ-փառատոնը:
Նշենք, որ փառատոնը թվով 6-րդն էր, ամեն տարի այն անցկացվում է մեր բուհի ուսանողական խորհրդի և ՀԵՀ-ի հետ համատեղ:
«ՀՊՏՀ գավաթ-2015»-ին մասնակցել են հայաստանյան պետական և ոչ պետական բուհերի 11 թիմեր, այս տարի առաջին անգամ մասնակցել է Արցախի պետական համալսարանի թիմը:
Ինչպես տեղեկացնում է ՀՊՏՀ ուսանողական խորհուրդը՝ մրցանակային տեղերը բաշխվել են հետևյալ կերպ. մրցույթի հաղթող է ճանաչվել Հայ-ռուսական (Սլավոնական) համալսարանի «Black Star» թիմը, երկրորդ և երրորդ մրցանակային տեղերը զբաղեցրել են համապատասխանաբար Երևանի պետական բժշկական համալսարանի «Մեդիկուս» թիմը և Հայաստանի պետական տնտեսագիտական համալսարանի АГЕУ» թիմերը:
Շնորհավորում ենք հաղթողներին:
ՀՊՏՀ Լրատվության և հասարակայնության հետ կապերի բաժին