Դիպլոմներ ստացան ՀՊՏՀ Եղեգնաձորի մասնաճյուղի շրջանավարտները
ՀՊՏՀ Եղեգնաձորի մասնաճյուղում այսօր հանդիսավոր կերպով հանձնվել են 2014-2015 ուստարվա շրջանավարտների դիպլոմները . այս մասին տեղեկացնում են մասնաճյուղից: Միջոցառմանը ներկա է եղել և ողջույնի խոսքով հանդես եկել ՀՊՏՀ ուսումնակազմակերպական աշխատանքների գծով պրոռեկտոր Միհրդատ Հարությունյանը: Նա իր խոսքում կարևորել է մարզային բուհի գործունենությունը՝ տարածաշրջանի զարգացման տեսանկյունից: Շրջանավարտներին ողջունել և բարեմաղթանքներ է հղել մասնաճյուղի տնօրեն Սոս Խաչիկյանը, կոչ արել հետագայում էլ պահպանել բուհի հետ կապը:
Միջոցառման մասնակիցներին շնորհավորանքներ են հղել նաև ուսանողական խորհրդի նախագահ Հայկ Հարությունյանը և մագիստրատուրայի գերազանցիկ շրջանավարտ Կարեն Իսախանյանը:
Շրջանավարտները ստացել են նաև բուհի պաշտոնաթերթի՝ «Տնտեսագետ» ամսագրի օրինակներ, որոնց հասցեատերը հենց նրանք են. ամսագրի մայիս-հունիսյան համարը նվիրված է այս տարվա շրջանավարտներին:
Շնորհավորում ենք մասնաճյուղի շրջանավարտներին, մաղթում, կանաչ ճանապարհ:
Լուսանկարները տրամադրել է ՀՊՏՀ Եղեգնաձորի մասնաճյուղը:
ՀՊՏՀ Լրատվության և հասարակայնության հետ կապերի բաժին