Շնորհակալական նամակ՝ ՀՊՏՀ ռեկտորին
ՀՊՏՀ ռեկտոր, պրոֆեսոր Կորյուն Աթոյանը հերթական շնորհակալական նամակն է ստացել ՀՀ զինված ուժերից. այս անգամ այն ՀՀ ՊՆ N զորամասից է՝ մեր բուհի ֆինանսական ֆակուլտետի շրջանավարտ, զինծառայող Տիգրան Անդրանիկի Ղազարյանի բարեխիղճ և օրինակելի ծառայության համար:
Շնորհակալագրում նշված զորամասի հրամանատար, գնդապետ Ա. Օհանյանի և հրամանատարի ԱՀՏԱ գծով տեղակալ, փոխգնդապետ Ա. Թումանյանի կողմից մասնավորապես ասվում է.
«Գոհունակությամբ ենք հայտնում, որ Տիգրան Ղազարյանը, ծառայելով ՀՀ զինված ուժերում, պատվով է կատարում իր սրբազան պարտքը, զինվորական երդման պահանջներն ու Ձեր պատգամը՝ ազնվորեն և
անմնացորդ նվիրվել մեր Հայրենիքի պաշտպանության գործին: Շարքային Ղազարյանն աչքի է ընկնում ազնվությամբ, բարեխղճությամբ, կարգապահությամբ և կամքի ուժով: Նա աչքի է ընկնում հասարակական ակտիվությամբ, խմբագրում է զորամասի «Սպարապետ» ամսագիրը: Դուք իրավամբ կարող եք հպարտանալ Ձեր բուհի շրջանավարտով: Երախտապարտ ենք հայրենասեր և քաջարի ռազմիկ դաստիարակելու համար»:
Նշենք, որ Տիգրան Ղազարյանը ՀՊՏՀ ֆինանսական ֆակուլտետի մագիստրատուրան ավարտել է 2013-2014 ուսումնական տարում:
Բոլոր զինվորներին մաղթում ենք խաղաղ ծառայություն:
ՀՊՏՀ Լրատվության և հասարակայնության հետ կապերի բաժին