«Ամբերդ»-ի գիտնականը մասնակցել է միջազգային գիտաժողովի
Նոյեմբերի 14-15-ը Երևանի Հյուսիսային համալսարանում տեղի է ունեցել «Բուհ-բանակ» համագործակցության գերակայությունը» խորագրով միջազգային գիտաժողով («Ազգ-բանակ» հայեցակարգի համատեքստում), որը համախմբել է Հայաստանի և արտասահմանյան բուհերի ու գիտակրթական կենտրոնների գիտնականների: ՀՊՏՀ-ից մասնակցել է «Ամբերդ» հետազոտական կենտրոնի «Տնտեսագիտական հետազոտություններ» ծրագրի ավագ հետազոտող, ծրագրի համակարգող, տ.գ.դ., պրոֆեսոր Սամվել Ավետիսյանը, ով լիագումար նիստում հանդես է եկել «Ազգ-բանակ հայեցակարգի սոցիալ-տնտեսական արմատները և համազգային բանակի միջազգային փորձը» թեմայով զեկուցմամբ: Պրոֆեսորն անդրադարձել է ՀՀ պաշտպանության ծախսերի ֆինանսավորման, ռազմաարդյունաբերական համալիրի զարգացման, համազգային բանակի կայացման հարցերին:
Զեկուցման մեջ միջազգային փորձի, հատկապես՝ Շվեյցիարիայի, Իսրայելի և այլ երկրների «Ազգ-բանակ» համակարգի վերլուծությունը, ինչպես նաև նախկին ռազմական ամբիոնների բարելավված տարբերակով ուսանողներին (նաև աղջիկներին) ուսմանը զուգընթաց զինվորական ծառայությունում ներգրավելու առաջարկությունները մեծ հետաքրքրություն են առաջացրել ունկնդիրների շրջանում:
Գիտաժողովի նյութերը լույս են տեսնելու առանձին ժողովածուով։
Լուսանկարները տրամադրել են կենտրոնից:
ՀՊՏՀ Լրատվության և հասարակայնության հետ կապերի բաժին