Առաջարկում եմ Արցախի տնտեսական զարգացման համար անհրաժեշտ որևէ հիմնախնդիր հետազոտության առարկա դարձնել «Ամբերդ»-ում. ՀՊՏՀ ռեկտորի առաջարկը՝ ԼՂՀ վարչապետին
![](https://asue.am/images/1522311776/286ab11e6a2a0ca7e7fb264b.jpg)
Հայաստանի պետական տնտեսագիտական համալսարանում այսօր հյուրընկալվել էին Լեռնային Ղարաբաղի հանրապետության վարչապետ Արայիկ Հարությունյանը, ինչպես նաև Արցախի պետական համալսարանի ռեկտոր Մանուշ Մինասյանը, ովքեր հանդիպում ունեցան ՀՊՏՀ պրոֆեսորադասախոսական կազմի և ուսանողների հետ: «Այսօր, երբ մեր բոլորի աչքի առաջ զարգացման ու վերելքի, առաջընթացի ու ամրացման նոր փուլ է ապրում մեր սիրելի Արցախը, տեղին եմ համարում իմ աջակցությունը հայտնել Լեռնային Ղարաբաղի հանրապետությանը, կառավարությանը, պետական մյուս մարմիններին: Այս համատեքստում առաջարկում եմ Արցախի տնտեսական զարգացման համար անհրաժեշտ որևէ հիմնախնդիր, Ձեր առաջարկով, հետազոտության առարկա դարձնել մեր համալսարանի «Ամբերդ» հետազոտական կենտրոնում: Ծրագիրը կիրականացվի մեր բուհի ֆինանսավորմամբ»,- իր ելույթում հայտարարեց ՀՊՏՀ ռեկտոր, պրոֆեսոր Կորյուն Աթոյանը: Ռեկտորի ելույթին ամբողջությամբ ծանոթացեք այստեղ:
ՀՊՏՀ Լրատվության և հասարակայնության հետ կապերի բաժին