ՀՊՏՀ ֆուտբոլի հավաքականը նվաճել է 14-րդ հանրապետական (միջբուհական) խաղերի ֆուտբոլի գավաթը

Երեկ` հոկտեմբերի 13-ին, ՀՀ բուհերի ուսանողների 14-րդ հանրապետական մարզական խաղերի շրջանակներում կայացել է  ֆուտբոլի եզրափակիչ հանդիպումը: ՀՊՏՀ ֆուտբոլի թիմն այստեղ ևս  գերազանց խաղ է ցույց տվել` 7-2 հաշվով հաղթանակ տանելով ԵՊՀ-ի թիմի նկատմամբ: Մեր տղաները նվաճել են 14-րդ հանրապետական  (միջբուհական)  խաղերի ֆուտբոլի գավաթը:

ՀՊՏՀ ֆուտբոլի թիմի մարզիչ Էլեոնորա Գրիգորյանը լրատվության և հասարակայնության հետ կապերի բաժնի հետ զրույցում ասաց, որ բոլոր բուհերի թիմերի հետ  հանդիպումներում  մեր թիմն աչքի է ընկել հիանալի խաղով:

«Մեր տղաների հաղթանակը սպասված էր, քանի որ թիմում բոլորն էլ լավ խաղացողներ են, գտնվում են գերազանց մարզավիճակում և խաղերին տրամադրված էին մարտական: Բուհերի թիմերի հետ խաղերում մենք չունեցանք ոչ մի պարտություն, նույնիսկ` ոչ-ոքի. միշտ հաղթող  դուրս եկանք: Առավել լարված սպասում էինք եզրափակիչ խաղին և այժմ հպարտությամբ փաստում ենք, որ մեր բուհի հավաքականը լավագույնն է: Պատվով  կարող ենք նշել, որ 2013թ. ՀՀ միջբուհական մարզական խաղերում ՀՊՏՀ-ն նվաճեց ֆուտբոլի գավաթը: Պետք է անել ամեն ինչ, որպեսզի  հաղթանակները շարունակական  լինեն»,- հավելեց մարզիչը:

Այսպիսով ավարտվեցին  14-րդ (2013թ.)  հանրապետական մարզական խաղերը:

Շնորհավորում ենք մեր հավաքականին և բոլոր ՀՊՏՀ-ականներին`մեծ  հաղթանակի առիթով:

Հ.Գ. Երկրորդ լուսանկարը՝ ՀՊՏՀ ՈՒԽ ֆեյսբուքյան էջից:

ՀՊՏՀ Լրատվության և հասարակայնության հետ կապերի բաժին