Ֆինանսական հաշվառման ամբիոնի նախաձեռնած բաց դասերը պարբերական են դառնում

ՀՊՏՀ ֆինանսական հաշվառման ամբիոնի նախաձեռնությամբ այսօր, ժամը 14.00-ին բաց դասի շրջանակում հաշվապահական հաշվառման և աուդիտի ֆակուլտետի թիվ 11 լսարանում պարզաբանվեցին Հայաստանի Հանրապետության հանրային հատվածի միջազգային ստանդարտները (ՀՀՀՀՄՍ): Ֆինանսական հաշվառման ամբիոնի վարիչ, տնտեսագիտության թեկնածու, դոցենտ Ալվարդ Սարգսյանը լրատվության և հասարակայնության հետ կապերի բաժնին տեղեկացրեց, որ շարունակվելու է բաց դասերի պարբերականությունը. դրանք կանցկացվեն յուրաքանչյուր չորեքշաբթի, ժամը 14.00-ին հաշվապահական հաշվառում և աուդիտ ֆակուլտետի թիվ 11 լսարանում: Բաց դասերին կարող են մասնակցել ինչպես հաշվապահական հաշվառման և աուդիտի, ֆինանսականի, այնպես էլ համալսարանի մյուս ֆակուլտետների բակալավրիատի 4-րդ և մագիստրատուրայի ուսանողները: