ՀՊՏՀ ՈՒԽ–ն շարունակում է համալրել ժամանցային, մշակութային միջոցառումների շարքը

Հոկտեմբերի 6-ին կկազմակերպվի հերթական արշավը `«Ճանաչենք մեր հայրենիքը» խորագրով: Ուսանողները կայցելեն Արարատի մարզում գտնվող Խոր Վիրապ եկեղեցական համալիր, որից հետո կուղևորվեն Վայոց ձորի մարզ և կայցելեն Պարյուր Սևակի տուն թանգարան: Այնուհետև ուսանողներն կշարունակեն արշավը` ուղղություն վերցնելով դեպի Նորավանքի եկեղեցական համալիր:
Համալրվել է նաև ուսանողական խորհրդի կազմակերպած մրցույթների շարքը: ՈՒԽ ֆակուլտետային ֆեյսբուքյան էջերից տեղեկանում ենք, որ Երևանի ծննդյան տոնին ընդառաջ հայտարարվել է լուսանկարչական մրցույթ: Խորագիրն է Երևանը որպես զբոսաշրջության քաղաք բնորոշող «Երևան` զգա ջերմությունը» կարգախոսը: Մասնակիցները պետք է մինչև հոկտեմբերի 18-ը «Երևան` զգա ջերմությունը» խորագրին համապատասխանող իրենց կատարած լուսանկարներն ուղարկեն asuephoto@mail.ru էլեկտրոնային հասցեին: Մրցույթը կանցկացվի մի քանի անվանակարգերում: Հաղթողները կորոշվեն ինչպես արհեստավարժ մրցատյանի գնահատականներով, այնպես էլ՝ ֆեյսբուքյան քվեարկության արդյունքներով: 
ՀՊՏՀ ուսանողական խորհուրդը հաճելի անակնկալ է պատրաստել նաև ստեղծագործական տաղանդ ունեցող ուսանողների համար: Վերջիններս կարող են իրենց չափածո ստեղծագործություններն ուղարկել poet@asue-sc.am էլեկտրոնային հասցեին և սպասել անակնկալի:

ՀՊՏՀ Լրատվության և հասարակայնության հետ կապերի բաժին