ՀՊՏՀ ձեռքի գնդակի տղաների հավաքականը երեկ հաղթել է ՀՊՃՀ-ի թիմին

13-րդ հանրապետական ուսանողական մարզական խաղերի ձեռքի գնդակի տղաների առաջնությունում երեկ ՀՊՏՀ հավաքականը խաղացել է ՀՊՃՀ-ի թիմի հետ: Համառ ու լարված պայքարում մեկ գնդակի առավելությամբ (19:18) հաղթել են մեր մարզիկները: Այս մասին լրատվության և հասարակայնության հետ կապերի բաժնին հայտնեց ՀՊՏՀ ֆիզդաստիարակության ամբիոնի վարիչ Լևոն Սամվելյանը: Վերջինս տեղեկացրեց նաև, որ այսօր, ժամը 14.00-ին մեր տղաները կխաղան Վանաձորի պետական մանկավարժական համալսարանի թիմի հետ: