Համակարգչային թեստային քննությունների հսկողությանը կմասնակցեն նաև տվյալ առարկան դասավանդող դասախոսները
Հիշեցնում ենք, որ ապրիլի 6-ին կմեկնարկի միջանկյալ քննաշրջանը: Կազմակերպական հարցերով զբաղվող ՀՊՏՀ բոլոր ուսումնաօժանդակ օղակները ամեն ինչ արել են, որպեսզի այն ընթանա առանց միջադեպերի. պատրաստ է քննաշրջանի հերթապահության հստակ ժամանակացույցը, վերանայվել է թեստային համակարգչային քննություններով առարկաների թեստային բազան, սահմանվել է հերթապահություն:
ՀՊՏՀ ուսումնակազմակերպական աշխատանքների գծով պրոռեկտոր Միհրդատ Հարությունյանի տեղեկացմամբ` միջանկյալ քննաշրջանի ընթացքում կիրառվող միակ նորամուծություն այն է, որ համակարգչային թեստային քննությունների հսկողությանը կմասնակցեն նաև տվյալ առարկան դասավանդող դասախոսները:
Հուսով ենք` ՀՊՏՀ ուսանողները լավ են նախապատրաստվել քննաշրջանին և հաջողությամբ կհանձնեն բոլոր քննությունները:
ՀՊՏՀ Լրատվության և հասարակայնության հետ կապերի բաժին