Ավարտական կուրսերի ուսանողներն ավարտել են փորձառությունները

Դիտումների քանակ՝ 2073

ՀՊՏՀ առկա բակալավրիատի 4-րդ,  հեռակա բակալավրիատի 5-րդ և առկա մագիստրատուրայի 2-րդ կուրսերի ուսանողների  ուսումնաարտադրական և գիտահետազոտական փորձառությունները, որոնք մեկնարկել էին 2017թ. փետրվարին, արդեն ավարտվել են:

ՀՊՏՀ ռեկտորատի այսօրվա նիստում դեկանները զեկուցեցին փորձառությունների արդյունքների մասին՝ նշելով, որ, մի քանի բացառություններով, ավարտական կուրսերի ուսանողները մասնակցել են փորձառություններին, ներկայացրել են հաշվետվությունները և պատրաստ են պաշտպանությունների: Հիշեցնենք նաև, որ վաղվանից մեր համալսարանում մեկնարկում է ամփոփիչ ատեստավորման գործընթացը:

Նիստում անդրադարձ եղավ ընթացիկ մի շարք հարցերի ևս, որոնց թվում քննարկվեցին ՀՊՏՀ ռեկտոր Կորյուն Աթոյանին ուղղված ուսանողների դիմումները, ուսման վարձերի վճարման ընթացքը և այլ հարցեր:

ՀՊՏՀ Լրատվության և հասարակայնության հետ կապերի բաժին